11-13 may kunlari Qashqadaryo viloyatining Shahrisabz shahrida «Ethno and modern fashion week» xalqaro etno o‘yinlar festivali, xalq hunarmandchiligi va zargarlik buyumlari yarmarkalari bo‘lib o‘tadi. Festival doirasida, shuningdek, Yakkabog‘ tumanida etnosport bo‘yicha musobaqalar, «Amir Temur harbiy mashqlari» nomli teatrlashtirilgan tomoshalar o‘tkaziladi.
Xalqaro festival dasturidan xorijiy va mahalliy yosh dizayner hamda modelerlarning asarlari namoyishi va taqdimotlari ham o‘rin olgan.
Tadbir davomida xorijlik mehmonlar ishtirokida mahorat darslari va uchrashuvlar, gastronomik, milliy hunarmandchilik va zargarlik buyumlari ko‘rgazma-yarmarkasi tashkil etiladi.
