KXDR rahbariyati ko‘plab harbiy qismlarni qaytadan tuzdi va ularning sonini oshirdi. Koreya markaziy telegraf agentligiga ko‘ra, ularning oldiga ko‘plab yangi harbiy vazifalar qo‘yilgan.
Qayd etilishicha, harbiy bo‘linmalarning strategik va taktik vazifalari o‘zgartirilgan. Bunda "yangi vaziyat va holat"lar inobatga olingani aytilmoqda.
Shuningdek, harbiy bayroqlar dizayni ham o‘zgartirilgan. Janubiy Koreyaning Yonhap agentligiga ko‘ra, 8 fevral kuni bo‘lib o‘tgan paradda "Xvason-17" va “2022.11” yozuvli bayroqlar ko‘zga tashlangan. Bu o‘tgan yili noyabrida ballistik raketalar bilan amaliyotlarga javob beradigan yangi bo‘linma tuzilganini anglatadi.