Shri-Lanka bosh vaziri Ranil Vikramasingxe chorshanba Shri-Lankaning iqtisodiyoti "butunlay qulab tushdi" va mamlakat import qilinadigan neftni sotib olishga qurbi yo'qligini aytdi.
Biz yoqilg‘i, gaz, elektr energiyasi va oziq-ovqatning oddiy taqchilligidan ham jiddiyroq vaziyatga duch keldik. Iqtisodiyotimiz butunlay tanazzulga yuz tutdi. Bu bugungi kundagi eng jiddiy muammo, - deya Vikramasingxe so‘zlarini keltiradi "Associated Press".
Bosh vazirning aytishicha, Shri-Lankaning eng yirik neft va gaz kompaniyasi "Ceylon Petroleum Corporation"ning qarzi hozirda 700 million dollarni tashkil etadi va shuning uchun dunyodagi hech bir davlat yoki tashkilot uni yoqilg‘i bilan ta'minlash niyatida emas.
Vikramasingxening aytishicha, Shri-Lankaning valyuta zaxiralari kamayib ketgani sababli hukumat vaziyatni o'zgartirish uchun o'z vaqtida chora ko'ra olmadi. Shri-Lankada hozirda benzin tugab bormoqda, shuningdek, boshqa yoqilg‘i turlari, import qilinadigan oziq-ovqat va dori-darmonlar yetishmaydi.