Шри-Ланка бош вазири Ранил Викрамасингхе чоршанба Шри-Ланканинг иқтисодиёти "бутунлай қулаб тушди" ва мамлакат импорт қилинадиган нефтни сотиб олишга қурби йўқлигини айтди.
Биз ёқилғи, газ, электр энергияси ва озиқ-овқатнинг оддий тақчиллигидан ҳам жиддийроқ вазиятга дуч келдик. Иқтисодиётимиз бутунлай таназзулга юз тутди. Бу бугунги кундаги энг жиддий муаммо, - дея Викрамасингхе сўзларини келтиради "Ассоcиатед Пресс".
Бош вазирнинг айтишича, Шри-Ланканинг энг йирик нефт ва газ компанияси "Ceylon Petroleum Corporation"нинг қарзи ҳозирда 700 миллион долларни ташкил этади ва шунинг учун дунёдаги ҳеч бир давлат ёки ташкилот уни ёқилғи билан таъминлаш ниятида эмас.
Викрамасингхенинг айтишича, Шри-Ланканинг валюта захиралари камайиб кетгани сабабли ҳукумат вазиятни ўзгартириш учун ўз вақтида чора кўра олмади. Шри-Ланкада ҳозирда бензин тугаб бормоқда, шунингдек, бошқа ёқилғи турлари, импорт қилинадиган озиқ-овқат ва дори-дармонлар етишмайди.