Shveysariya armiyasi vertolyotlar orqali mamlakatning Аlp o‘tloqlarida havo haroratining keskin ko‘tarilishidan aziyat chekayotgan minglab hayvonlarga suv yetkazib bermoqda. Bu haqda “Reuters” xabar berdi.
Qurg‘oqchilik sabab fermerlar hayvonlarga suv yetkazib berish uchun armiyaga murojaat qildi. Qurg‘oqchilikning oldini olish iloji yo‘q va bu yem-xashak taqchilligiga sabab bo‘ladi.
Fermerlar suvsizlikdan qiynalayotgan qoramollariga yordam berishga urinmoqda. Shunday qilib, armiya cho‘chqalar, echkilar, qo‘ylar va ayniqsa sutidan pishloq tayyorlanadigan sigirlar uchun suv olib keladi.