Sirdaryo viloyatining Yangiyer shahrida 21 yoshli yigit cho‘kib ketayotgan ona va bolani qutqarib qolgan edi. Qayd qilinishicha, Saidislombek Abdulqosimzoda shahar markazidan oqib o‘tuvchi "Janubiy Mirzacho‘l" kanalida ona va bolani cho‘kayotganini ko‘rib qolib, ularni qutqarishga oshiqqan va buning uddasidan chiqqan.
Mazkur voqeadan keyin viloyat hokimi Akmaljon Maxmudaliyev Saidislombek Abdulqosimzoda tomonidan qutqarib qolingan ona va bolaning xonadonida bo‘lib, ularning holidan xabar oldi.
Hokim yigitga ko‘rsatgan jasorati uchun minnatdorlik bildirgan va uni sovg‘a bilan taqdirlagan. Shuningdek, u viloyat hokimi tomonidan Favqulodda vaziyatlar vazirligi tizimida ishlashga tavsiya qilindi.