Сирдарёда чўкаётган она ва болани қутқарган 21 ёшли йигит ФВВга ишга олинади
Вилоят ҳокимининг шахсан ўзи йигитга иш тавсия қилган
Сирдарё вилоятининг Янгиер шаҳрида 21 ёшли йигит чўкиб кетаётган она ва болани қутқариб қолган эди. Қайд қилинишича, Саидисломбек Абдулқосимзода шаҳар марказидан оқиб ўтувчи «Жанубий Мирзачўл» каналида она ва болани чўкаётганини кўриб қолиб, уларни қутқаришга ошиққан ва бунинг уддасидан чиққан.
Мазкур воқеадан кейин вилоят ҳокими Акмалжон Махмудалиев Саидисломбек Абдулқосимзода томонидан қутқариб қолинган она ва боланинг хонадонида бўлиб, уларнинг ҳолидан хабар олди.
Ҳоким йигитга кўрсатган жасорати учун миннатдорлик билдирган ва уни совға билан тақдирлаган. Шунингдек, у вилоят ҳокими томонидан Фавқулодда вазиятлар вазирлиги тизимида ишлашга тавсия қилинди.
