Ukrainaning BMTdagi doimiy vakili Andrey Melnik BMT sessiyasida Rossiyaning hududiy imtiyozlar bo‘yicha da’volariga javoban qat’iy bayonot berdi. Nutqda u “Bizning hududlarimiz va suverenitetimiz sotilmaydi. Siz teshik kulchaning teshigini olasiz, Ukrainani emas” degan iborani ishlatdi.
Melnik 2014–2022-yillarda Germaniyadagi elchi, shundan keyin Braziliyadagi diplomatik missiya rahbari bo‘lib ishlagan va 2024-yil oxirida Ukraina BMTdagi doimiy vakili lavozimini egallagan edi.
Nutq YouTube orqali efirga uzatildi, u yerda Rossiya BMTdagi doimiy vakili Vasiliy Nebenzya nutq qilganidan so‘ng Melnik o‘z javobini bildirdi.
Shuningdek, Axious manbalariga ko‘ra, AQShning Kiyevga taqdim etgan so‘nggi tinchlik rejasida hududiy imtiyozlar bo‘yicha qattiqroq shartlar mavjud. 4-dekabr kuni Rossiya prezidenti Vladimir Putin Donbass va Novorossiya hududlari har qanday holatda ham uning nazoratiga o‘tishini ma’lum qilgan edi.
Melnikning bayonoti Ukraina hududiy suverenitetini himoya qilish va hududiy imtiyozlar bo‘yicha Rossiyaning da’volarini rad etish sifatida baholandi.