AQSH davlat kotibining Yevropa va Yevroosiyo masalalari bo‘yicha sobiq yordamchisi Aaron Mitchel “National Interest” jurnalida AQSHning ehtimoliy urushda g‘alaba qilish imkoniyatini past baholadi.
“Vashington amalda Yevroosiyo resurslarining yarmini tasarruf etayotgan armiyalar bilan jang qilishga majbur bo‘ladi. Bu urush Amerika qurolli kuchlarini nafaqat zo‘riqtirishi, hatto, to‘liq izdan chiqarishi mumkin”, — degan Mitchel.
U, shuningdek, AQSHning asosiy vazifasi Xitoy va Rossiya bilan ikki frontda urushga yo‘l qo‘ymaslik ekanini aytgan. Siyosatshunos 2018 yildan boshlab Vashington milliy strategiyasi eng katta raqib — Xitoy bilan urushga qaratilganini qayd etdi.
Eslatib o‘tamiz, bundan avval AQSH mudofaa vaziri sobiq yordamchisi Elbrij Kolbi Xitoy bilan urushga tayyor turishga chaqirgan edi.
Jahongir Qo'ziyev