Собиқ амалдор АҚШ ҳарбий имкониятини паст баҳолади
АҚШнинг Россия ва Хитой билан урушда ғалаба қозониш имконияти кам. Бу ҳақда “National Interest” маълум қилди.
АҚШ давлат котибининг Европа ва Евроосиё масалалари бўйича собиқ ёрдамчиси Аарон Митчел “National Interest” журналида АҚШнинг эҳтимолий урушда ғалаба қилиш имкониятини паст баҳолади.
“Вашингтон амалда Евроосиё ресурсларининг ярмини тасарруф этаётган армиялар билан жанг қилишга мажбур бўлади. Бу уруш Америка қуролли кучларини нафақат зўриқтириши, ҳатто, тўлиқ издан чиқариши мумкин”, — деган Митчел.
У, шунингдек, АҚШнинг асосий вазифаси Хитой ва Россия билан икки фронтда урушга йўл қўймаслик эканини айтган. Сиёсатшунос 2018 йилдан бошлаб Вашингтон миллий стратегияси энг катта рақиб — Хитой билан урушга қаратилганини қайд этди.
Эслатиб ўтамиз, бундан аввал АҚШ мудофаа вазири собиқ ёрдамчиси Элбриж Колби Хитой билан урушга тайёр туришга чақирган эди.
Жаҳонгир Қўзиев
