Zilziladan so‘ng Suriyaning Raju shahridagi qamoqxonadan kamida 20 kishi qochib ketdi. "Ular ISHID terroristik tashkiloti jangarilari. Bu haqda “France 24” telekanali xabar bermoqda.
“Zilziladan so‘ng mahbuslar tartibsizlik ko‘tarib, qamoqxonaning bir qismini nazorat ostiga olishdi. 20 ga yaqin kishi qochib ketdi... ISHID jangarilari ekanligi taxmin qilinmoqda”, — dedi qamoqxona rasmiysi.
Uning so‘zlariga ko‘ra, kuchli silkinishlar natijasida qamoqxona devorlari yorilib ketgan.
Qayd etilishicha, Turkiya chegarasi yaqinidagi qamoqxonada 2000 ga yaqin mahbus saqlanmoqda, ulardan 1300 nafari ISHIDga aloqadorlikda gumon qilinmoqda.