Viloyat yo‘l harakati xavfsizligi boshqarmasi maʼlumotiga ko‘ra, joriy yilning 7 sentyabr kuni Termiz shahridagi Alisher Navoiy va Denov ko‘chalari kesishgan aylanma harakatda davlat raqami 10 R 985 RA bo‘lgan “Cobalt” aylanma harakat orqali yo‘nalishi bo‘ylab harakatlanib o‘tayotgan davlat raqami 75 116 TTN bo‘lgan “Matiz”ning orqa o‘ng tomonidan turtib ketishi oqibatida yo‘l transport hodisasi sodir bo‘lgan.
Har ikki avtomashinada bo‘lgan haydovchilar hech qanday tan jarohati olmagan.
Hozirda mazkur holat yuzasidan Termiz shahar IIB YHXB DYHXX tomonidan surishtiruv ishlari olib borilmoqda.
Eslatib o‘tamiz, avvalroq Qashqadaryoda katta tezlikda harakatlangan “Cobalt” avtomobili “Lasetti” bilan to‘qnashib, ag‘darilib ketgani, Navoiyda boshqaruvni yo‘qotgan “Nexia”ning ag‘darilib ketishi oqibatida ikki kishi vafot etgani hamda Toshkentda “Nexia” bilan to‘qnashgan “Matiz” bilan ham xuddi shunday hodisa yuz bergani haqida xabar berilgandi.
Bahriniso Madumarova tayyorladi.