Chip ishlab chiqarish bo‘yicha dunyo yetakchisi, Tayvanning TSMC kompaniyasi AQSH sanksiyalari tufayli Xitoyga chip yetkazib berishni cheklaydi. Bu haqda “Nikkei Asia” nashri xabar bermoqda.
Cheklovlar Xitoyda zamonaviy hisoblash uskunalari, grafik protsessorlar va sunʼiy intellektga asoslangan baʼzi texnologiyalarni ishlab chiquvchi kompaniyalarga taʼsir qiladi.
Maʼlumot uchun, TSMC kompaniyasi joriy yilning uchinchi choragida rekord darajada daromad oldi. Tashkilotning sof foydasi 31,2 foizga oshib, 10,06 milliard dollarni tashkil etdi.