Тайван Хитойга чип етказиб беришни тўхтатмоқчи
Бунга АҚШ санкциялари сабаб бўлган.
Чип ишлаб чиқариш бўйича дунё етакчиси, Тайваннинг TSMC компанияси АҚШ санкциялари туфайли Хитойга чип етказиб беришни чеклайди. Бу ҳақда “Nikkei Asia” нашри хабар бермоқда.
Чекловлар Хитойда замонавий ҳисоблаш ускуналари, график процессорлар ва сунъий интеллектга асосланган баъзи технологияларни ишлаб чиқувчи компанияларга таъсир қилади.
Маълумот учун, TSMC компанияси жорий йилнинг учинчи чорагида рекорд даражада даромад олди. Ташкилотнинг соф фойдаси 31,2 фоизга ошиб, 10,06 миллиард долларни ташкил этди.
