7 yanvar tongida Xitoyning Tibet muxtor tumanida, Nepal bilan chegara yaqinida 7,1 magnitudali zilzila sodir bo‘ldi. Bu haqida AQSh geologiya xizmati xabar bermoqda.
Zilzila episentri Tibetdagi ikkinchi katta shahar Shigadzedan 163 km olisda bo‘lib, uning o‘chog‘i 10 km chuqurlikda joylashgan.
Qayd etilishicha, kuchli yer silkinishlari Hindistonning Bixar, Assom va Gʻarbiy Bengaliya shtatlarida ham kuzatilgan. Vahimaga tushgan odamlar uylaridan yugurib chiqishgan.
Ayni vaqtda zilziladan jabrlanganlar va talafotlar haqida ma’lumotlar tahlil qilinmoqda.