Kolumbiya harbiy-dengiz kuchlari uch tonna kokain tashuvchi suvosti kemasini qo‘lga tushirdi. Bu 1993 yildan beri bortida giyohvand moddalar bilan ushlangan eng yirik noqonuniy kemadir.
Maʼlumotlarga ko‘ra, yarim suvosti kemasining uzunligi 30 metrga, eni esa uch metrga yetadi. U Tinch okeanining janubiy qismida radarlar tomonidan aniqlangan. Noqulay ob-havo sharoitda kema dengiz piyodalari tomonidan to‘xtatilgan. Partiyaning narxi 100 million dollardan oshiqroq baholanmoqda.
Ekipajning uch aʼzosi kolumbiyalik giyohvand moddalar savdogarlarining iltimosiga binoan noqonuniy moddalarni Markaziy Amerikaga yetkazib berishga uringan.