Afg‘onistonda Tolibon Hukumatga kelganidan beri birinchi marta mahbus ommaviy qatl etildi. U qotillikda ayblangan.
Bu haqda hukumat matbuot kotibi Zaxibullo Mujohid e’lon qildi. Bu namoyishkorona jazo Afg‘oniston qattiqqo‘l siyosatini davom ettirishini anglatadi.
O‘lim jazosini Afg‘onistonning 3 oliy sudyasi va toliblarning oliy yetakchisi ma’qullagan.
Qatl etilgan erkak 5 yil oldin bir odamni o‘ldirib, uning mototsikl va mobil telefonini o‘g‘irlaganlikda ayblangan.
BMT mamlakatga bunday namoyishkorona o‘lim jazosi qaytganidan xavotirda ekanini bildirdi.