Толибон ҳукуматга келгандан бери биринчи намойишкорона қатл
Бу мамлакат қаттиққўл сиёсатини давом эттиришини билдиради
Афғонистонда Толибон Ҳукуматга келганидан бери биринчи марта маҳбус оммавий қатл этилди. У қотилликда айбланган.
Бу ҳақда ҳукумат матбуот котиби Захибулло Мужоҳид эълон қилди. Бу намойишкорона жазо Афғонистон қаттиққўл сиёсатини давом эттиришини англатади.
Ўлим жазосини Афғонистоннинг 3 олий судьяси ва толибларнинг олий етакчиcи маъқуллаган.
Қатл этилган эркак 5 йил олдин бир одамни ўлдириб, унинг мототцикл ва мобил телефонини ўғирлаганликда айбланган.
БМТ мамлакатга бундай намойишкорона ўлим жазоси қайтганидан хавотирда эканини билдирди.
