Surxondaryo viloyatining sobiq hokimi To‘ra Bobolov Toshkent viloyatining Oqqo‘rg‘on tumaniga hokim vazifasini vaqtincha bajaruvchi etib tayinlandi. Bu haqda Yangi O‘zbekiston nashri xabar bermoqda.
Bobolov tayinlovga qadar Savdo-sanoat palatasi raisi o‘rinbosari lavozimida faoliyat yuritayotgandi.
Maʼlumot uchun, To‘ra Bobolov 2023-yilning fevral oyida boshqa ishga o‘tishi munosabati bilan Surxondaryo viloyati hokimi lavozimidan ozod etilgandi.