Avvalroq, ijtimoiy tarmoqlarda Oqqo‘rg‘on tumanidagi maktablardan birida o‘quvchi o‘qituvchisi tomonidan ayovsiz kaltaklangani aks etgan videolar tarqalib, keng muhokamalarga sabab bo‘lgan edi. Holat yuzasidan Bolalar ombudsmani rasmiy munosabat bildirdi.
Ma’lum qilinishicha, ushbu holat joriy yilning 9-oktyabr kuni Oqqo‘rg‘on tumanida joylashgan 6-umumta’lim maktabida sodir bo‘lgan. Ushbu maktabning informatika fani o‘qituvchisi M.A. (1990 yilda tug‘ilgan erkak) mazkur fandan qo‘shimcha dars o‘tayotgan vaqtida 9-sinf o‘quvchisi voyaga yetmagan Q.S. (2009-yilda tug‘ilgan o‘g‘il bola) dars jarayonida o‘qituvchini go‘yoki chalg‘itganligi tufayli o‘quvchisi Q.S. ni haqorat qilib, urib do‘pposlagan.
Hozirda holat yuzasidan Oqqo‘rg‘on tuman IIB tomonidan tergovga qadar tekshiruv harakatlari olib borilmoqda.