Toshkent viloyati Qibray tumanida onasining Spark mashinasida YTHga uchragan yigit vafot etdi.
Viloyat IIBB YHXB axborot xizmati ma'lumotlariga ko'ra, 11-avgust kuni soat taxminan 15:00 larda Qibray tumanida, 2005 yilda tug‘ilgan yigit (haydovchilik guvohnomasiga ega emas) boshqaruvidagi onasiga tegishli Sparkda harakatlanib ketayotgan vaqtida yo'lning xavfli burilish qismida boshqaruvini yo‘qotib yo'l chetidagi daraxtga urilib, yo‘l transport hodisasi sodir etgan.
Oqibatda haydovchi olgan tan jarohatlari oqibatida voqea joyida vafot etgan. Shuningdek, avtomobilning old o‘rindig‘ida bo‘lgan 2005-yilda tug‘ilgan yo‘lovchi tuman markaziy shifoxonasiga yotqizilgan.
Hozirda mazkur YTH yuzasidan Qibray tumani IIB xodimlari tomonidan tergovga qadar surishtiruv harakatlari olib borilmoqda.