IIV Transport va turizm obyektlarida xavfsizlikni taʼminlash departamenti maʼlumotlariga ko‘ra, “Islom Karimov” nomidagi Toshkent xalqaro aeroporti uchib ketish zalida 15-iyul kuni “Toshkent-Moskva” HY-603 reys bilan uchib ketmoqchi bo‘lgan O‘zbekiston fuqarosi jamoat tartibini buzgan.
Aniqlanishicha, mast holatda bo'lgan yo‘lovchi fuqarolarni hamda aeroport xodimlarini uyatli so‘zlar bilan haqorat qilib jamoat tartibini buzgan.
Natijada mayda bezorilik sodir etgani uchun, Toshkent shahri aeroportlarida XTB HPB inspektorlari tomonidan huquqbuzarga nisbatan Ma'muriy javobgarlik to'g'risidagi kodeksning 183-moddasi bilan hujjatlar rasmiylashtirilgan hamda unga nisbatan 10 sutka maʼmuriy qamoq jazosi tayinlangan.