Poytaxtning Yangihayot tumanidagi zavodlardan birida davlat bojxona xizmati organlari tomonidan noqonuniy muomaladan olib qo‘yilgan, salkam 300 mln so‘mlik 34,2 ming quti tamaki mahsulotlari keng jamoatchilik ishtirokida yo‘q qilindi.
Tamaki mahsulotlarini yo‘q qilish tadbiri doirasida jurnalistlar va blogerlar uchun tashkil qilingan brifingda maʼlum qilinishicha, 2022 yil 22 noyabr holatiga ko‘ra respublika bojxonachilari tomonidan huquqni muhofaza qiluvchi turli idoralar bilan hamkorlikda aniqlangan 314 ta huquqbuzarlik holatlarida qiymati salkam 19,2 mlrd so‘mlik 1 578 346 quti tamaki mahsulotlari ushlab qolingan.