Тошкентда 300 миллион сўмлик тамаки маҳсулотлари ёқиб юборилди
Божхона ходимлари томонидан бир куннинг ўзида 314 та ҳуқуқбузарлик ҳолатлари аниқланган.
Пойтахтнинг Янгиҳаёт туманидаги заводлардан бирида давлат божхона хизмати органлари томонидан ноқонуний муомаладан олиб қўйилган, салкам 300 млн сўмлик 34,2 минг қути тамаки маҳсулотлари кенг жамоатчилик иштирокида йўқ қилинди.
Тамаки маҳсулотларини йўқ қилиш тадбири доирасида журналистлар ва блогерлар учун ташкил қилинган брифингда маълум қилинишича, 2022 йил 22 ноябрь ҳолатига кўра республика божхоначилари томонидан ҳуқуқни муҳофаза қилувчи турли идоралар билан ҳамкорликда аниқланган 314 та ҳуқуқбузарлик ҳолатларида қиймати салкам 19,2 млрд сўмлик 1 578 346 қути тамаки маҳсулотлари ушлаб қолинган.
