Ijtimoiy tarmoqlarda avtomobil eshigi ushlagichiga qulf ilinganligi va unga xat qistirilganligi aks etgan foto va videolar tarqalib ko‘plab muhokamalarga sabab bo‘lmoqda. Holat yuzasidan Toshkent shahar IIBB axborot xizmati rasmiy munosabat bildirdi.
Aniqlanishicha, o‘tkazilgan tekshiruv va o‘rganishlar natijasida shahar IIBB va uning quyi tizimlariga bu kabi holatlar yuzasidan murojaat kelib tushmagan.
“Agar siz bilan shu kabi holat sodir bo‘lgan bo‘lsa yoki ushbu shaxs haqida biror ma’lumotga ega bo‘lsangiz, 71-206-42-54 yoki 102 raqamlariga qo‘ng‘iroq qilishingizni so‘raymiz”, — deyiladi xabarda.