Ижтимоий тармоқларда автомобил эшиги ушлагичига қулф илинганлиги ва унга хат қистирилганлиги акс этган фото ва видеолар тарқалиб кўплаб муҳокамаларга сабаб бўлмоқда. Ҳолат юзасидан Тошкент шаҳар ИИББ ахборот хизмати расмий муносабат билдирди.
Аниқланишича, ўтказилган текширув ва ўрганишлар натижасида шаҳар ИИББ ва унинг қуйи тизимларига бу каби ҳолатлар юзасидан мурожаат келиб тушмаган.
“Агар сиз билан шу каби ҳолат содир бўлган бўлса ёки ушбу шахс ҳақида бирор маълумотга эга бўлсангиз, 71-206-42-54 ёки 102 рақамларига қўнғироқ қилишингизни сўраймиз”, — дейилади хабарда.