Toshkent shahrining Yashnobod tumani Maxtumquli ko‘chasi Kichik halqa avtomobil yo‘li ko‘prigi ostidan o‘tuvchi qismida quvur almashtirish ishlari olib borilishi sababli ayrim yo‘l qismlari vaqtinchalik yopiladi. Bu haqida poytaxt hokimligi matbuot xizmati xabar berdi.
Unga ko‘ra, Ashxobod bog‘idan Toshkent tibbiyot akademiyasiga yo‘nalishidagi yo‘l qismi – 9 noyabr soat 23:00 dan 10 noyabr soat 07:00 gacha;
Toshkent tibbiyot akademiyasidan Ashxobod bog‘iga yo‘nalishidagi yo‘l qismi – 10 noyabr soat 23:00 dan 11 noyabr soat 07:00 gacha yopiladi.
Hokimlik mazkur vaqt davomida yo‘l harakati ishtirokchilariga muqobil yo‘llardan foydalanishni tavsiya qilgan.