Тошкентда айрим йўллар ёпилади
Ҳокимлик бу ҳақида огоҳлантириш билан чиқди.
Тошкент шаҳрининг Яшнобод тумани Махтумқули кўчаси Кичик ҳалқа автомобиль йўли кўприги остидан ўтувчи қисмида қувур алмаштириш ишлари олиб борилиши сабабли айрим йўл қисмлари вақтинчалик ёпилaди. Бу ҳақида пойтахт ҳокимлиги матбуот хизмати хабар берди.
Унга кўра, Ашхобод боғидан Тошкент тиббиёт академиясига йўналишидаги йўл қисми – 9 ноябрь соат 23:00 дан 10 ноябрь соат 07:00 гача;
Тошкент тиббиёт академиясидан Ашхобод боғига йўналишидаги йўл қисми – 10 ноябрь соат 23:00 дан 11 ноябрь соат 07:00 гача ёпилади.
Ҳокимлик мазкур вақт давомида йўл ҳаракати иштирокчиларига муқобил йўллардан фойдаланишни тавсия қилган.
