Toshkent shahrida bola oʻgʻrilari paydo boʻlgani haqidagi xabarlar yolgʻon ekanligi maʼlum qilindi.
Soʻnggi kunlarda ijtimoiy tarmoqlarda Toshkent shahrida bolalarni oʻgʻirlashga urinishlar boʻlgani haqida asossiz audioxabarlar tarqalmoqda. Poytaxt IIBB maʼlumotiga koʻra, ushbu xabarlar haqiqatga mos emas.
Oʻtkazilgan tekshiruvlar va oxirgi besh yillik tahlillar shuni koʻrsatadiki, Toshkent shahrida bola oʻgʻriligi bilan bogʻliq biror holat qayd etilmagan.
Rasmiy organlar fuqarolardan tekshirilmagan maʼlumotlarga ishonmaslik va ularni tarqatmaslikni soʻramoqda.