Bosh prokuratura matbuot kotibining bergan maʼlumotiga ko‘ra, 13 sentyabr kuni soat 21:30 da fuqaro Sh.T. tanishi Kamoliddin Rasulovga qo‘ng‘iroq qilib, undan xarid qilib olgan vitaminini tavsiyasiga ko‘ra isteʼmol qilgani natijasida sog‘lig‘i yomonlashganini, shifokorlar bu kasallikning davosi yo‘qligini bildirganini aytib, uni uyi oldiga chaqirgan.
Ular ko‘rishgach, o‘zaro janjallashib qolib, Sh.T. yonida olib chiqqan oshxona pichog‘i bilan Kamoliddin Rasulovni turli sohalariga bir necha marotaba urib, qasddan o‘ldirgan.
Holat yuzasidan jinoiy ish qo‘zg‘atildi, Sh.T. protsessual tartibda ushlangan.
Eslatib o‘tamiz, avvalroq MMA jangchisi Murod Xonto‘rayevning avtohalokatga uchrab vafot etgandi. Shuningdek, sportchi Elbek Rahimovning o‘limi tafsilotlari ochiqlangani hamda Qarshida ommaviy janjal oqibatida bir guruh yoshlar 19 yoshli sportchini pnevmatik to‘pponchadan o‘q uzib, yaralagani haqida xabar berilgandi.
Bahriniso Madumarova