Бош прокуратура матбуот котибининг берган маълумотига кўра, 13 сентябрь куни соат 21:30 да фуқаро Ш.Т. таниши Камолиддин Расуловга қўнғироқ қилиб, ундан харид қилиб олган витаминини тавсиясига кўра истеъмол қилгани натижасида соғлиғи ёмонлашганини, шифокорлар бу касалликнинг давоси йўқлигини билдирганини айтиб, уни уйи олдига чақирган.
Улар кўришгач, ўзаро жанжаллашиб қолиб, Ш.Т. ёнида олиб чиққан ошхона пичоғи билан Камолиддин Расуловни турли соҳаларига бир неча маротаба уриб, қасддан ўлдирган.
Ҳолат юзасидан жиноий иш қўзғатилди, Ш.Т. процессуал тартибда ушланган.
Эслатиб ўтамиз, аввалроқ MMA жангчиси Мурод Хонтўраевнинг автоҳалокатга учраб вафот этганди. Шунингдек, спортчи Элбек Раҳимовнинг ўлими тафсилотлари очиқлангани ҳамда Қаршида оммавий жанжал оқибатида бир гуруҳ ёшлар 19 ёшли спортчини пневматик тўппончадан ўқ узиб, яралагани ҳақида хабар берилганди.
Баҳринисо Мадумарова