Toshkent shahar Qurilish va uy-joy kommunal xo‘jaligi sohasida hududiy nazorat qilish inspeksiyasi xodimlari tomonidan Mirzo Ulug‘bek tumani hududida joylashgan ko‘p qavatli uy murojaatga asosan tekshirildi.
Tekshiruv davomida mulkdor tomonidan binoning asosiy tayanch devori buzilib, yangi eshik ochilgani aniqlangan.
Mazkur holat binoning seysmik barqarorligiga salbiy ta’sir ko‘rsatishi mumkinligi sababli jiddiy hisoblanadi.
Holat yuzasidan MJtKning 159-moddasi 3-qismiga asosan ma’muriy bayonnoma rasmiylashtirilgan va 15 kun muddatda devorni avvalgi holatiga qaytarish bo‘yicha majburiy yozma ko‘rsatma berilgan.