Mazkur holat yuzasidan Toshkent metropoliteni jamoatchilik bilan aloqalar bo‘limi xodimi Ilhomjon Qosimov “Zamon.uz”ga maʼlumot berdi.
joriy yilning 28 avgust soat 14:35 atrofida “Oybek” bekatidan “Toshkent” bekatiga harakatlanayotgan elektropoyezd haydovchisi harakat tarkibidagi nosozlikni sezib, tegishli yo‘riqnomaga asosan harakat xavfsizligini taʼminlash maqsadida elektropoyezdni to‘xtatgan.
Yo‘riqnomaga asosan ortidan kelgan harakat tarkibi yo‘lovchilarni “Oybek” bekatida tushurib, yordam tariqasida yuborilgan.
Nosoz elektropoyezd yo‘lovchilari “Toshkent” bekatiga tushurib, texnik ko‘rikka yuborilgan. Nosozlikni bartaraf etish vaqti 9 daqiqani tashkil etgan.
Toshkent metropoliteni keltirilgan noqulayliklar uchun uzr so‘raydi!
Eslatib o‘tamiz, avvalroq Toshkentdagi metro qurilishida 899 million so‘m talan-taroj qilingani hamda metrodagi tirbandliklarga tez orada barham berilishi haqida xabar berilgandi.
Munojat Valiyeva