Toshkent shahar bojxona boshqarmasi Kontrabandaga qarshi kurashish va bojxona auditi bo‘limi tomonidan Davlat xavfsizlik xizmati xodimlari bilan hamkorlikda qalbaki pul, qimmatli qog‘ozlarni tayyorlash va ular bilan muomala qilishni oldini olishga qaratilgan tezkor tadbir o‘tkazilgan.
Tadbir davomida Toshkent shahrining Chilonzor tumanida 3 nafar shaxs oldindan til biriktirib, boshqa bir fuqaroga 6900 AQSH dollarini noqonuniy tarzda sotayotgan vaqtda tezkor xodimlar tomonidan qo‘lga olingan. Shuningdek, mazkur kupyuralar qalbaki ekanligi ham aniqlangan.
Hozirda holat yuzasidan tergov harakatlari olib borilmoqda.