Bugun, 26-noyabr kuni Toshkent shahrining Shayxontohur tumanidagi binolardan birida yong‘in yuz berdi. Bu haqida shahar FVB xabar berdi.
Qayd etilishicha, soat 14:54 da 112 tizimi orqali Shayxontohur tumani Istirohat ko‘chasida joylashgan ikki qavatli binoda yong‘in sodir bo‘lganligi to‘g‘risida shahar FVBga xabar kelib tushgan.
Shunga ko‘ra, 4 ta yong‘in-qutqaruv bo‘linmalari soat 15:03 da hodisa joyiga yetib borib, yong‘in soat 15:09 da o‘rab olingan va soat 15:15 da bartaraf etilgan.
Yong‘in oqibatida binoning taxminan 100 kvadrat metr maydonda tom va ichki qismi yonib zararlangan. Yong‘in-o‘chiruvchilarning professional harakatlari natijasida yong‘inni keng tarqalishi oldi olingan.
Hozirda yong‘in sababi va zarari aniqlanmoqda. Yong‘inda tan jarohati olganlar to‘g‘risida xabar kelib tushmagan.