Qoratosh mahallasida joylashgan 324-maktab hududidagi futbol maydonining qulashiga oid ma’lumotlar ijtimoiy tarmoqlarda tarqalganidan so‘ng quyidagilar ma’lum qilindi:
Dastlab, ushbu holat 2025-yil 26-27-fevral kunlarida kuzatilgan noqulay ob-havo, jumladan, qor yog‘ishi natijasida sodir bo‘lgan deb taxmin qilingan edi. Biroq dastlabki texnik tekshiruv shuni ko‘rsatdiki, tabiiy omillar vaziyatni og‘irlashtirgan bo‘lsa-da, qurilish jarayonida belgilangan me’yorlarga rioya etilmagani va sifatsiz materiallardan foydalanilganlik asosiy sabab bo'lgan.
Hozirda loyiha hujjatlari va qurilish ishlari chuqur tahlil qilinmoqda. Pudratchi tashkilotning mas’uliyati ham tekshiruv doirasida o‘rganilmoqda. Natijalarga ko‘ra, aybdor shaxslarga nisbatan tegishli choralar ko‘riladi.