Қоратош маҳалласида жойлашган 324-мактаб ҳудудидаги футбол майдонининг қулашига оид маълумотлар ижтимоий тармоқларда тарқалганидан сўнг қуйидагилар маълум қилинди:
Дастлаб, ушбу ҳолат 2025-йил 26-27-феврал кунларида кузатилган ноқулай об-ҳаво, жумладан, қор ёғиши натижасида содир бўлган деб тахмин қилинган эди. Бироқ дастлабки техник текширув шуни кўрсатдики, табиий омиллар вазиятни оғирлаштирган бўлса-да, қурилиш жараёнида белгиланган меъёрларга риоя этилмагани ва сифациз материаллардан фойдаланилганлик асосий сабаб бўлган.
Ҳозирда лойиҳа ҳужжатлари ва қурилиш ишлари чуқур таҳлил қилинмоқда. Пудратчи ташкилотнинг масъулияти ҳам текширув доирасида ўрганилмоқда. Натижаларга кўра, айбдор шахсларга нисбатан тегишли чоралар кўрилади.