Kecha ijtiomiy tarmoqlarda shifoxonada ayollar va erkak o‘rtasidagi janjal aks etgan video tarqaldi. Mazkur holat yuzasidan Toshkent shahar IIBB maʼlumot berdi.
Maʼlum qilinishicha, joriy yilning 4-may kuni taxminan soat 20:30 larda Yunusobod tumanida joylashgan xususiy klinikalardan birida 1992-yilda tug‘ilgan ayol Y.L. va singlisi 1996 yilda tug‘ilgan Y.X. shifokor ko‘rigiga navbatsiz kirib ketgan.
Bundan norozi bo‘lgan navbatda turgan 1993 yilda tug‘ilgan erkak M.S. eʼtiroz bildirgan. Natijada, ular o‘rtasida o‘zaro janjal chiqqan.
Mazkur holat yuzasidan Yunusobod tumani IIO FMB Tergov bo‘limi tomonidan JKning 277-moddasi (bezorilik) alomati bilan jinoyat ishi qo‘zg‘atilgan. Tergov davom etmoqda.