Ijtimoiy tarmoqda Toshkentning Mirobod tumanidagi xonadonda yong‘in sodir bo‘lgani haqida tarqalgan xabarlar yuzasidan shahar FVB maʼlumot berdi.
Xabarda keltirilishicha, 2023 yilning 19 iyul kuni soat 23:52 da Mirobod tumani “Zaminobod” MFY hududida joylashgan xonadonlarning birida yong‘in bo‘layotganligi bo‘yicha Toshkent shahar Favqulodda vaziyatlar boshqarmasiga xabar kelib tushgan.
Shunga ko‘ra, 4 ta yong‘in-qutqaruv texnikalari zudlik bilan etib borib, yong‘in bartaraf etilgan. Yong‘in natijasida 100-150 kv.m uyning tom va ichki qismi yonib zararlangan.
Yong‘in natijasida jabrlangan yoki halok bo‘lgan fuqarolar yo‘q.