Bugun, 12-avgust kuni Toshkent shahrining Bektemir tumanidagi ko‘p qavatli uylardan birida yong‘in yuz berdi. Bu haqda shahar Favqulodda vaziyatlar boshqarmasi maʼlum qildi.
Qayd etilishicha, soat 11:57 da Bektemir tumani “Abay” MFY Rohat ko‘chasida joylashgan ko‘p qavatli uy xonadonlarining birida yong‘in sodir bo‘lganligi to‘g‘risida FVBga xabar tushgan.
Shunga ko‘ra 3 ta yong‘in-qutqaruv ekipaji va 2 ta avtonarvon soat 12:06 da voqea joyiga yetib borib, yong‘in soat 12:12 da o‘chirilgan.
Yong‘in natijasida xonadonning uy-jihozlar va 20 kvadrat metr maydonda ichki qismi zararlangan. Yong‘in oqibatida tan jarohati olganlar to‘g‘risida maʼlumot kelib tushmagan.