"Xitoy koronavirusni paydo qilgani uchun butun dunyoga 60 trillion dollar tovon to‘lashi kerak bo‘ladi. Men bilaman Xitoyning bu kompensatsiyalarni to‘lash uchun yetarli mablag‘i yo‘q. Lekin butun dunyo 60 trillion dollarga yaqin zarar ko‘rdi. Shu sabab tovon to‘lashi kerak deb hisoblayman" — dedi AQSHning sobiq prezidenti.
Sobiq prezidentning so‘zlariga ko‘ra, Xitoy dunyoga dahshatli ofat keltirgan. Shu bilan birga, siyosatchi o‘z so‘zlarini tasdiqlovchi hech qanday dalil keltirmagan.
"Ular bu kasallikni oldini olish uchun endi nimadir qilishi kerak. Keltirgan bu ofatning oxiri yo‘qdek", — dedi Tramp.
Tramp Si Szinpinni “qotil” deb atagan jurnalistning so‘zlarini qo‘llab-quvvatladi.
“U qotil, lekin pandemiya boshlanishidan oldin Xitoy Xalq Respublikasi rahbari Si Szinpin bilan juda yaxshi munosabatda bo‘lganman" — dedi sobiq prezident.
Avvalroq Xitoy tashqi ishlar vaziri Van I AQSHga koronavirus kelib chiqishi haqidagi hisobot yuzasidan norozilik bildirgani haqida xabar berilgandi.
Munojat Valiyeva