Хитой ташқи ишлар вазири АҚШдан норозилигини билдирди

 

 

Хитой ташқи ишлар вазири Ван И АҚШга коронавирус келиб чиқиши ҳақидаги ҳисобот юзасидан норозилик билдирди.

 

Вазир АҚШ давлат котиби Энтони Блинкен билан телефон орқали мулоқоти чоғида бу ҳақда маълум қилган.  “Хитой АҚШ махсус хизматлари томонидан тайёрланган коронавирус келиб чиқиши бўйича ҳисобот юзасидан қатъий норозилик билдиради”, — дейилади Хитой ташқи ишлар вазирлиги сайтида.

 

Пекин Вашингтонни масалани сиёсийлаштиришни тўхтатишга чақирди. Ван И бу таҳминлар АҚШнинг аввалги президенти (Дональд Трамп) админсрациясидан қолганлигига эътибор қаратган.

 

АҚШ бу фикрлардан қанчалик тез воз кечса, “шунчалик тез боши берк кўчадан чиқади”.

 

Эслатиб ўтамиз, АҚШ миллий разведкаси 27 август куни Жозеф Байденга коронавирус келиб чиқиши юзасидан ҳисобот тақдим этган эди. Аммо махсус хизматлар касалликнинг манбаси бўйича аниқ хулосага кела олмаган. Шундай бўлса-да, COVID-19 биологик қурол сифатида яратилмагани қайд этилган. Тарқалишнинг эҳтимолий сабаби сифатида, инфекция тушган ҳайвон билан табиий алоқа ёки Ухан лабораториясидаги бахтсиз ҳодиса келтирилган.

 

Ўз навбатида Хитой ташқи ишлар вазирлиги АҚШнинг бу ҳаракатларига норозилик билдирди. Вазирлик расмий вакили Ван Веньбинь Вашингтонни вирус келиб чиқиши бўйича илмий тадқиқотлар ўтказишга чақирди. Амалдорнинг фикрича “Махсус хизматларнинг “COVID-19” келиб чиқишини аниқлаши илм-фанга зиддир”.

 

 Бундан аввал Вашингтон Ухань лабораториясида ўрганилган минглаб вируслар бўйича маълумотлар  қўлга киритилганини маълум қилган.

 

 

Жаҳонгир Қўзиев