AQSHning sobiq prezidenti Donald Tramp 2024 yilgi prezidentlik saylovlarida amaldagi davlat rahbari Jo Baydenni mag‘lub etish imkoniyati 100 foizga yaqin ekanligiga ishonishini aytdi.
Tramp, shuningdek, respublikachilar orasida u bilan raqobatlasha oladigan hech kimni ko‘rmayotganini aytdi.
AQSHda prezidentlik saylovi 2024 yilning noyabriga belgilangan. Tramp 2022 yil noyabrida prezidentlik uchun kurashga kirishishini eʼlon qildi. Bayden esa aprel oyida saylov kampaniyasi veb-saytini ishga tushirish orqali ikkinchi muddatga nomzodini qo‘yishini rasman eʼlon qildi. Agar u qayta saylanishga muvaffaq bo‘lsa, ikkinchi prezidentlik muddati boshida u 82 yoshga to‘ladi.