Turkiyada 2004-yil qabul qilingan “O‘lim jazosini bekor qilish to‘g‘risida”gi qaror qayta ko‘rib chiqiladi. Bu haqda adliya vaziri Bekir Bozdag‘ ma’lum qildi.
Prezident Rajab Toyyib Erdog‘an joriy haftada sodir bo‘lgan o‘rmon yong‘inlari haqida gapirib, mamlakatda o‘lim jazosini qaytarish masalasining ko‘targan. Davlat rahbarining fikricha, o‘rmonga o‘t qo‘ygan kishi uchun hukm “dahshatli bo‘lishi” kerak.
O‘lim jazosi Erdog‘an hukmronliging dastlabki yillarida bekor qilingan. Atayin uyushtirilgan o‘rmon yong‘inlaridan so‘ng prezident bu bo‘yicha jazoni kuchaytrish kerakligini aytgan.
Eslatib o‘tamiz, 21-iyun kuni Turkiyaning Mamaris va Mug‘la kabi kurort shaharlarida yirik o‘rmon yong‘ini yuz bergandi. Oqibatda 4 ming gektar hududga zarar yetgan.
Javohirbek TURSUNOV