Turkiyaning markaziy qismidagi Koniya shahrida to‘rt qavatli uy qulab tushdi. Bu haqida mahalliy nashrlar xabar berdi.
Hodisa Saljug‘lu hududida qayd etilgan. Favqulodda vaziyatlar xizmati xodimlari voqea joyida tekshiruv ishlari olib bormoqda. O‘z navbatida, DHA agentligi ikki kishi qutqarilganini, biroq vayronalar ostida yana bir necha kishi bo‘lishi mumkinligini aytdi.
Qulash sababi hali nomaʼlum. Voqea joyiga qutqaruvchilar, shifokorlar va politsiya jalb qilingan.
Komila Odilova tayyorladi