Turkiya Prezidenti Rajab Toyyib Erdo‘g‘an G‘azo sektoridagi shifoxonaga uyushtirilgan hujum oqibatida halok bo‘lganlar munosabati bilan mamlakatda uch kunlik motam eʼlon qildi. Bu haqda u o‘zining X‘dagi sahifasida maʼlum qildi.
Davlat rahbarining farmoniga ko‘ra, motam joriy yilning 19-21 oktyabr kunlari davom etadi.
“Falastindagi minglab qurbonlar xotirasi hamda Isroilning tinch aholiga, xususan, G‘azodagi kasalxonaga 2023-yil 17-oktabrda uyushtirgan hujumlari natijasida halok bo‘lgan va jarohatlanganlar munosabati bilan uch kunlik milliy motam eʼlon qilinishi maqsadga muvofiq deb topildi. Ushbu qarorga ko‘ra, 2023-yil 21-oktabr, shanba kuni quyosh botgunga qadar Turkiya bo‘ylab va xorijiy vakolatxonalarimizda davlat bayrog‘i yarim cho‘qqigacha tushiriladi”, — deb yozgan Erdo‘g‘an X‘dagi sahifasida.
Farmon matnida keltirilishicha, uch kunlik motam davrida Turkiya bo‘ylab barcha hukumat binolarida davlat bayroqlari yarim hilpiratiladi.