Normativ-huquqiy hujjatlar loyihalari muhokamasi portaliga "Kollej va texnikumlarda kasb va mutaxassislik egallash istagida bo‘lgan xotin-qizlarni qo‘llab-quvvatlash chora-tadbirlari to‘g‘risida"gi qonun loyihasi joylashtirildi.
Unda qayd etilishicha, 2023/2024-o‘quv yilidan boshlab kollej va texnikumlarga qurilish, transport, kommunal, qishloq xo‘jaligi va xizmat ko‘rsatish sohalaridagi kasb va mutaxassisliklarda o‘qiydigan 3 yoshgacha farzandi bo‘lgan o‘quvchi-qizlarga, ularning murojaati asosida masofaviy taʼlim olish imkoniyatini yaratiladi.
Hujjatga ko‘ra, 3 yoshgacha farzandi bo‘lgan kollej va texnikumlar o‘quvchi-qizlariga masofaviy taʼlim olish imkoniyati yaratiladigan kasb va mutaxassisliklar ro‘yxatini Oliy taʼlim, fan va innovatsiyalar vazirligi tasdiqlaydi.