Vladimir Zelenskiy jurnalistlarga bergan bayonotida, agar AQSh va Yevropadagi hamkor davlatlar Ukraina saylovlari uchun xavfsizlik kafolatlarini ta’minlay olsalar — Kiyev 60–90 kun ichida prezident saylovlarini o‘tkazishga tayyorligini bildirdi.
Uning ta’kidlashicha, saylovlar faqat xavfsizlik kafolatlari mavjud bo‘lsa va saylovlarni harbiy holat sharoitida o‘tkazish uchun zarur qonunchilik bazasi shakllantirilsa mumkin.
Zelenskiy hukumat “o‘z o‘rindig‘iga yopishib oldi” degan da’volarni rad etib, urush davom etayotgani saylovlarning kechiktirilishiga turtki emasligini, balki fuqarolarga ovoz berish huquqi berilishi kerakligini qayd etdi.
Shu bilan birga, u parlament — Oliy Rada deputatlarini saylovlarni harbiy holat sharoitida o‘tkazishga qonuniy asoslar yaratish bo‘yicha zarur hujjatlarni tayyorlashga chaqirdi.
Zelenskiyning taklifi va shartlari:
- Saylovlar 60–90 kun ichida o‘tkazilishi mumkin — agar xalqaro hamkorlar tomonidan xavfsizlik kafolatlari berilsa.
- Harbiy holatga mos qonuniy choralar ko‘rilishi lozim.
- Ukraina hukumati va xalqaro hamkorlar saylovlarning himoyasini kafolatlashga mas’ul.
Zelenskiyning bayonoti 9-dekabr kuni e’lon qilindi — bu paytda avvalgi chaqiriqlar, xususan, Donald Tramp tomonidan Ukraina saylovlari o‘tkazilishi kerakligi haqidagi bayonoti fonida bo‘ldi.