8-avgust kuni soat 19:47 da Xorazm viloyati Urganch shahrining Jannat makon ko‘chasida joylashgan avtomobillarga mobil yoqilg‘i quyish shoxobchasi hududida yong‘in sodir bo‘ldi. Hodisa, yoqilg‘i tashuvchi avtosisternadan saqlash rezervuariga benzin quyish jarayonida yuzaga kelgani ma’lum qilindi.
Xabar kelib tushishi bilan 5 ta yong‘in-qutqaruv ekipaji soat 19:50 da voqea joyiga yetib borib, yong‘inni 19:56 da qurshab oldi hamda 20:06 da to‘liq o‘chirdi.
Yong‘in oqibatida mobilsisternada 3 tonna benzin yonib zararlangan. Hodisa natijasida tan jarohati olganlar qayd etilmadi.
Yong‘inning kelib chiqish sabablari va yetkazilgan moddiy zarar miqdori aniqlanmoqda.