AQSH Rossiya bilan strategik hujumkor qurollarni qisqartirish bo‘yicha shartnomani ko‘rib chiqishga tayyor. Bu haqda davlat kotibi o‘rinbosari Bonni Jenkins maʼlum qildi.
"Biz, ikki eng yirik yadro davlatlari, yadro qurollarini qisqartish bo‘yicha natijaga erishgandik. Bu bir necha yillik mehnat natijasi edi. Yangi kelishuvdan umidvormiz. Amaldagi shartnoma 2026 yilda tugaydi. Biz muzokaralar stoliga qaytishni va Rossiya bilan muloqot boshlashni istaymiz", — degan diplomat.
Shu bilan birga muzokaralar stoliga qaytish Moskvaning bu yo‘nalishdagi xohishiga bog‘liq ekanligi taʼkidlangan.
Dushanba kuni Jozef Bayden Vashingtonning Moskva bilan strategik hujumkor qurollarni qisqartirish bo‘yicha muzokaralarga qaytishga tayyorligini bildirdi.
Avvalroq G‘arb Rossiyaga qarshi ayrim sanksiyalarni yumshatgani maʼlum bo‘lgandi.